News
Լրահոս
News
Ուրբաթ
Մարտ 29
Տեսնել լրահոսը


ՀՀ զինված ուժերում անտարբերությունը, խնդիրներին մատների արանքով նայելը եւ անկարգապահությունը տեղ ունենալ չի կարող, այն այլեւս աններելի է եւ յուրաքանչյուրիս անելիքին է հետեւություններ անել այս իրադարձություններից եւ խմբագրել մեր անելիքները եւ կատարել մեր պարականությունները: Այս մասին այսօր` հունվարի 28-ին, Պն-ում տեղի ունեցած միջոցառման ժամանակ ասել է ՀՀ պաշտպանության նախարար Սուրեն Պապիկյանը:

«Հունվարի 28-ը ինձ համար որպես պաշտպանության նախարար ոչ միայն բանակի օրն է, այլեւ նախորդ տարի կատարած աշխատանքի գնահատականի օր: Փաստ է, որ 2022 թվականը, որքան էլ մեր տքնաջան աշխատանքի արդյունքում որոշակի հաջողություններ է արձանագրել, ակնհայտ է, որ կան բազում թեփրացումներ եւ այդ բազում խնդիրների հետ մենք առերեսվելու, ի գիտություն ընդունելու եւ սխալները չկրկնելու պարտավորություն ունենք: Ես վստահ եմ, որ 2022 թվականը բարեփոխումների տարի լինելուց զատ էապես փոխել է մթնոլորտը մեր զինված ուժերում: Գուցե դա բավարար չէ, գուցե տեսանելի չէ եւ հանրության պահանջը, ակնկալիքը թվա անիրական, կամ մեր ուժերից վեր, բայց մեր պարտավորությունն է այդ ակնկալիքը ամբողջությամբ կատարել»,-ասաց նա:

Պապիկյանը անդրադարձավ նաեւ 2022 թվականի սեպտեմբերյան ռազմական գործողութուններին` ասաց, որ մենք 44-օրյա պատերազմից հետո ցույց տվեցինք, որ ՀՀ զինված ուժերը կանգնած են սահմանին եւ ամեն գնով պաշտպանելու են  ՀՀ տարածքային ամբողջականությունը:

«Սա առաջին նշույլն է առ այն, որ մեր ողնաշարը շտկման ճանապարհին է, բայց նաեւ այն բավարար չէ: 2023 թվականը ինձ համար որպես պաշտպանության նախարար, պետք է դառնա սխալների խմբագրման, անհնարինը իրականություն դարձնելու ջանքերով մեր ողնաշարը շտկելու տարի, այլ ճանապարհ չկա: Մենք պետք է 2023-ը դարձնենք ոչ միայն դիմադրելու եւ դիմակայելու տարի, այլեւ այն դարձնել խելամիտ ու հնարամիտ լինելու տարի, մեր տարածքային ամբողջականության պահպանման գրավականը պետք է լինի մեր խելամտությունը եւ իհարկե, անմնացորդ կամքը»,-ասաց նա:

Պաշտպանության նախարարի խոսքով` 2023 թվականը պետք է սառնա նոր սկզբի տարի, ողնաշարի շտկման տարի:

 

Տպել
Ամենաշատ