Ցանկացած խաչմերում, անկախ նրանից՝ խաչմերուկում կա «վաֆլի» կոչեցյալ գծանշումը, թե ոչ, արգելվում է մուտք գործել, եթե առաջացել է խցանում եւ դա կստիպի վարորդին կանգնել խաչմերուկի տարածքում: Այս մասին այսօր՝ հունվարի 30-ին, մամուլի ասուլիսի ժամանակ նշեց ՀՀ տարածքային կառավարման և ենթակառուցվածքների նախարարության Ճանապարհային քաղաքականության բաժնի ավագ մասնագետ Արուսյակ Խաչատրյանը:
«Սա ամենատարածված խախտումն է Երեւանում, որի պատճառով առաջանում են օրվա պիկ ժամերին արհեստական խցանումներ: վարորդը մտնում է խաչմերուկի, կանգնում է եւ փակում հանդիպակաց երթեւեկությունը: Այսինքն հանդիպակաց երթեւեկության համար կանաչը բացում է, բայց նրանք էլ չեն կարողանում մտնել խաչմերուկ: Սրանից հետո, եթե վարորդը մուտք գործեց այդպիսի ժամանակ խաչմերուկի, նա տուգանվելու է»,-ասաց նա՝ հավելելով, որայս փոփոխություն արդեն մտել է ուժի մեջ:
