Ինչպես հաղորդվել էր նիստը սկսվեց տեխնիկական ընդմիջումով, որի ընթացքում կողմերը ծանոթացան իր բացակայության պատճառների մասին ուղարկված թարգմանչի ծանուցագրին եւ թարգմանության բացատրությանը։
Տեխնիկական ընդմիջումից հետո դատախազ Գեւորգ Բաղդասարյանը նկատեց, որ ներկայացվածից պարզ է միայն թարգմանչի բացակայության պատճառը։ Մնացածը հասկանալի չէ, ինչի կապակցությամբ Բաղդասարյանը հիշեցրեց դատարանի ավելի վաղ կայացրած որոշումը՝ փաստաթուղթը թարմանչի ներկայությամբ ուսումնասիրելու անհրաժեշտության մասին՝ հաշվի առնելով իմաստային նրբությունները եւ չափազանց անհաջող առաջին թարգմանությունը։
Փաստաբան Հայկ Ալումյանը ուշադրություն դարձրեց այն հանգամանքի վրա, որ ուղարկված իմաստային նրբությունների պարզաբանումները ավելի մեծ խառնաշփոթ են առաջացնում, քանի որ թարգմանիչը նույնականացնում է երկու բառ, որոնք հակառակ իմաստ ունեն։ Արդյունքում, դատավորը որոշում կայացրեց հետաձգելու նիստը։
Արմեն Գեւորգյանի փաստաբան Լուսինե Սահակյանը դատարանին հիշեցրեց, որ միջնորդություն է ներկայացվել նիստը փետրվարի 7-ին հետաձգելու մասին, քանի որ ԵԽԽՎ պատգամավոր Գեւորգյանը առցանց ձեւաչափով մասնակցելու է ԵԽԽՎ կոմիտեի աշխատանքային խմբի նիստին։ Դատարանի եւ մեղադրող կողմի մոտ հարցեր առաջացան առաջիկա նիստի ժամանակացույցի վերաբերյալ, ինչին ի պատասխան Արմեն Գեւորգյանը նշեց մեկնարկի, ավարտի ժամկետը եւ բովանդակությունը։
«Լինք են ուղարկում եւ կարող են ուղարկել փետրվարի 6-ի երեկոյան», - ասաց Գեւորգյանը՝ հավելելով, որ ներկայացրել է դատարանին։ Դատարնը որոշեց, որ երբ Գեւորգյանը մանրամասն ժամանակացույց կստանա, այդ ժամանակ էլ կներկայացնի դատարանին։
Հաջորդ նիստը կկայանա փետրվարի 14-ին ժամը 13:00-ին։
