Ոստիկանության Արտաշատի բաժնի քրեական հետախույզները հունվարի 30-ին օպերատիվ տվյալներ էին ստացել, որ Բաղրամյան գյուղի 27-ամյա մի բնակիչ մոտը զենք-զինամթերք է պահում և այդ պահին գյուղի դաշտերում է:
Ոստիկանությունից NEWS.am-ին հայտնում են, որ iրացնելով օպերատիվ տվյալները՝ Արտաշատի ոստիկանները 27-ամյա երիտասարդին գյուղի դաշտում հայտնաբերել, ձերբակալել և, ձեռքին եղած հրացանով հանդերձ, տարել են ոստիկանության Արտաշատի բաժին: Անձնական զննությամբ երիտասարդի մոտ հայտնաբերվել են «ՏՕԶ-34 ԵՌ» տեսակի ողորկափող որսորդական հրացան՝ առանց համապատասխան փաստաթղթերի, 12 մմ տրամաչափի 43 փամփուշտ և փամփուշտների պատյան:
Բաղրամյանցի երիտասարդը և կազմված փաստաթղթերը ներկայացվել են Արարատի մարզային քննչական վարչություն:
