Իրանն սկսել է Հարավային Պարս հանքավայրում նավթավերամշակման գործարանի շինարարության 14-րդ փուլը։ Այս մասին հայտարարել է Իրանի նավթի նախարար Ջավադ Օուջին, հաղորդում է Mehr-ը։
Նա նշել է, որ Իրանի նավթի նախարարությունն այս տարվա մարտի վերջին կսկսի նաեւ այլ խոշոր նախագծերի իրականացումը։
«Այս փուլում Հարավային Պարսում նավթավերամշակման գործարանի շինարարությունը կավարտվի, եւ դա կլինի վերջին փուլը»,-ասել է Օուջին՝ հավելելով, որ Հարավային Պարսում 14-րդ փուլի նավթավերամշակման գործարանը օրական 56-60 մլն խմ գազ կվերամշակի:
Երկու նավթաքիմիական գործարան շահագործման կհանձնվի մինչեւ ընթացիկ տարվա վերջ, հայտնել է Իրանի նավթի նախարարը:
