Երուսաղեմում հայերի վրա հարձակումներն իրականացրել են մի քանի արմատականներ, որոնք ոչ մի դեպքում չեն ներկայացնում իսրայելական հասարակությունը, ասել է Հայաստանում Իսրայելի դեսպան Յոել Լայոնը։
«Այս տխուր իրադարձություններն իրականացրել է ծայրահեղականների խուբը, որը ոչ մի կերպ չի ներկայացնում իսրայելական տարակարծիք եւ բազմազան հասարակությունը: Ինչպես ցույց են տվել կասկածյալների անմիջական ձերբակալությունները։ Իսրայել պետությունը հավատարիմ է կրոնի եւ բոլոր կրոնների պաշտամունքի ազատությանը»,- գրել է Իսրայելի դեսպանը Twitter-ում:
Այսպես, նա մեկնաբանել է Հայաստանի արտգործնախարարության մամուլի քարտուղար Վահան Հունանյանի գրառումը, որը մտահոգություն է հայտնել Երուսաղեմում հայերի վրա վերջին աղաղակող հարձակումների կապակցությամբ։
