News
Լրահոս
News
Երեքշաբթի
Մարտ 19
Տեսնել լրահոսը

Ռուսաստանցի բնապահպան, Fridays for future շարժման մասնակից Արշակ Մակիչյանի հորը եւ եղբորը փետրվարի 1-ին ձերբակալել են Մոսկվայում։ Ինչպես տեղեկացրել է ինքը՝ Մակիչյանը, դա տեղի է ունեցել դատարանի՝ իրեն, հորը եւ եղբորը ՌԴ քաղաքացիությունից զրկելու վերաքննիչ նիստից հետո։

«Դատարանից դուրս գալուց հետո ձերբակալեցին հորս, իսկ հետո քաղաքում գտան եղբորս եւ նույնպես ձերբակալեցին։ Եվ նորից այժմ անհասկանալի է, թե հետո ինչ է լինելու։ Ասացին, որ ձերբակալում են, որովհետեւ նա կեղծ փաստաթղթեր ունի, բայց դա անհեթեություն է»,- DW-ին ասել է ակտիվիստը, որն այժմ Գերմանիայում է։ Նրա կարծիքով՝ «դա նախապատրաստված գործողություն էր», քանի որ «ոստիկանությունը չէր կարող միանգամից իմանալ, որ նրա (Արշակի եղբոր- խմբ.) փաստաթղթերը չեղյալացված են»։

Փետրվարի 1-ի երեկոյան Մակիչյանի հայրը եւ եղբայրը Կրասնոգորսկի ոստիկանական տեղամասում էին։

«Եթե անկեղծ ասեմ, ես չէի սպասում, որ նրանց կձերբակալեն։ Անգամ Ռուսաստանի պետության համար դա հերթական մինուս է, որովհետեւ ոչ հայրս, որ եղբայրս որեւէ կերպ չեն մասնակցել քաղաքական կյանքին Ռուսաստանում, նրանք երբեք իրենց դիրքորոշումը չեն հայտնել։ Նրանք պարզապես ապրում էին իրենց կյանքով, եւ նրանցից այդ ամենը խլում են, որովհետեւ նրանք կապված են ինձ հետ ազգակցական կապերով... Նման դեպքեր արդեն եղել են, կա այդպիսի գործելակերպ՝ փորձել ճնշում գործադրել ակտիվիստների վրա հարազատների միջոցով»,- ասել է բնապահպանը։

2022թ. հոկտեմբերին մերձմոսկովյան Շատուրի դատարանը որոշում էր կայացրել Արշակ Մակիչյանին, նրա հորը եւ երկու եղբայրներին Ռուսաստանի քաղաքացիությունից զրկելու մասին։ Արշակի նկատմամբ այդ որոշումն ընդունվել էր «ակնհայտ սուտ տեղեկությունների» հիման վրա, որոնք նրա հայրը՝ Արթուր Մակիչյանը, իբր, ներկայացրել էր 2002թ.։ Դատախազությունը հայցում այն ժամանակ նաեւ պահանջել էր Մակիչյաններին զրկել գույքի իրավունքից, բայց դատարանը մերժել էր։

Մակիչյանի խոսքով՝ ոչ ինքը, ոչ երկու եղբայրներն այլ երկրի քաղաքացիություն չունեն։ Ակտիվիստի հայրը Հայաստանի քաղաքացիություն ուներ, բայց հրաժարվել է դրանից, երբ Ռուսաստանի քաղաքացիություն է ստացել, ավելացրել է նա։

Իր հարսանիքի օրը՝ 2022թ. փետրվարի 24-ին, Արշակ Մակիչյանը եւ նրա հարսնացուն՝ քաղաքական ակտիվիստ Պոլինա Օլեյնիկովան, հրապարակայնորեն պատերազմին դեմ են արտահայտվել։ Աղջիկը կապույտ հագուստով էր, ձեռքին դեղին վարդերի փունջ ուներ։ Արշակի ձյունաճերմակ շապիկի վրա կարմիր ներկով գրված էր. «Fuck the war»։ 2022թ. մարտին նա Ռուսաստանից մեկնել է Բեռլին։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ակնալիճ գյուղի արագաչափի մոտ բախվել են  «Hyundai»-ն և Opel-ը. վերջինս գլխիվայր շրջվել է. կա վիրավոր
Մարտի 19-ին, ժամը 09:14-ին Արմավիրի մարզային փրկարարական վարչության...
Սյունիքի մարզում 4 մարդու կյանք խլած ավտովթարի հանգամանքները պարզվում են քրեական վարույթի շրջանակներում. Աբրահամյան
Նշված ողբերգական դեպքի առթիվ Սյունիքի մարզային քննչական վարչության...
Չարենցավանի կամրջի մոտ բախվել են «Nissan»-ը և «Mercedes-Benz»-ը, 3 մարդ հոսպիտալացվել է
Մարտի 19-ին, ժամը 08:00-ին Կոտայքի մարզային փրկարարական վարչության...
Ճամբարակում տուն է փլուզվել. ներսում քաղաքացի է եղել. փրկարարները նրան պատուհանից դուրս են բերել
Մարտի 19-ին, ժամը 12:03-ին Գեղարքունիքի մարզային փրկարարական վարչության...
Արմավիրի մարզում բախվել են «Lexus»-ն ու «LADA Priora»-ն. կա 1 զոհ. բժիշկները պայքարում են 3 վիրավորի կյանքի համար
Այսօր՝ մարտի19-ին, խոշոր ատովթար է տեղի ունեցել Արմավիրի մարզում: Ժամը...
Մալիշկայի բնակչուհու առանձնատնից գողությունը կատարել էր 28-ամյա համագյուղացին
Մարտի 15-ին ՆԳՆ ոստիկանության Եղեգնաձորի բաժնում հաղորդում տված...
Ամենաշատ