Ֆրանսիայում կալանավորել են մաֆիոզիին, որը 17 տարի թաքնվում էր արդարադատությունից, հայտնում է ANSA գործակալությունը։
Գործակալության տվյալներով՝ 63-ամյա Էդգարդո Գրեկոն կալանավորվել էր Սենտ Էտյենեում։ 2006 թվականին նրան մեղադրանք էր առաջադրվել 1991 թվականին Կոզենցայում Ստեֆանո եւ Ջուզեպպե Բարտոլոմեո եղբայրների կրկնակի սպանության համար։ Գործակալությունը պարզաբանել է, որ Գրեկոն «Նդրանգետա» խմբավորման անդամ է։
Հաղորդվում է, որ մաֆիոզին այդ հանցագործության համար դատապարտվել է ցմահ բանտարկության։
«Գրեկոն 3 տարի պիցցա էր պատրաստում Սենտ Էտյենեում գտնվող ռեստորանում։ Սենտ Էտյենեում նա հաստատվել էր 2014 թվականից», — նշվում է հրապարակման մեջ։
