ԱՄՆ պետքարտուղար Էնթոնի Բլինքենը հաջորդ շաբաթ Պեկին այցի ընթացքում կհանդիպի Չինաստանի նախագահ Սի Ծինփինի հետ, հայտնում է Financial Times-ը՝ հղում անելով սեփական աղբյուրներին։
ԱՄՆ պետքարտուղարը փետրվարի 5-6-ը Չինաստանի ներկայացուցիչների հետ կքննարկի Ուկրաինայի պատերազմը, ավելի վաղ հայտնել էր Սպիտակ տան ազգային անվտանգության հարցերով ներկայացուցիչ Ջոն Քիրբին։
Ամերիկա-չինական հարաբերությունները վերջին շրջանում լարված են եղել Թայվանի, առեւտրի եւ COVID-19 համավարակի դեմ պայքարի շուրջ տարաձայնությունների պատճառով:
ԱՄՆ-ը Չինաստանի կառավարությանը նախազգուշացրել է հետեւանքների մասին, «եթե Չինաստանը Ռուսաստանին զենք տրամադրի Ուկրաինայի դեմ օգտագործելու համար»։
