Հայաստանում մոտ 60 հազար մարդ արդեն օգտվել է «Աշխատանք ԵԱՏՄ-ում» հավելվածից, որը մշակվել է ՌԴ վարչապետ Միխայիլ Միշուստինի գաղափարների իրականացման շրջանակներում: Այս մասին Ալմաթիում տեղի ունեցող ԵԱՏՄ երկրների կառավարությունների ղեկավարների մասնակցությամբ «Թվային գործընկերությունը նոր իրականությունում» թվային համաժողովի լիագումար նիստում ասաց ՀՀ վարչապետ Նիկոլ Փաշինյանը։
«Աշխատանք ԵԱՏՄ-ում» բջջային հավելվածի ռուսական հատվածը սկսել է գործել 2022 թվականից։ Ուզում եմ տեղեկացնել, որ այսօր ՀՀ ազգային հատվածի առաջին լիարժեք տարբերակը նույնպես հասանելի է հավելվածում։ Հավելվածի օգտատերերն արդեն կարող են գտնել թափուր աշխատատեղեր, պատասխանել դրանց, օգտվել «Օգնական» ծառայությունից, ծանոթանալ կարգավորող տեղեկատվությանը, գտնել լիազոր մարմինների բաժիններ, կոնտակտային տվյալներ և այլն», - ասաց Փաշինյանը։
Հիմնական պետական թվային ծառայություններն արդեն հասանելի են «Աշխատեք ԵԱՏՄ-ում» հավելվածի հայկական ազգային հատվածում։
«Հայաստանում այս ծառայությունից արդեն օգտվել է մոտ 60 հազար մարդ, իսկ դիմումների ընդհանուր թիվը գերազանցել է 300 հազարը», - նշեց Փաշինյանը։
Վարչապետը հավելեց, որ թվային գործիքն ապահովում է այս գործընթացում ներգրավված պետական մարմինների համակարգված փոխգործակցությունը։
Թվային ծառայության միջոցով աշխատանքային պայմանագրի հիման վրա ԵԱՏՄ երկրների քաղաքացիները և նրանց ընտանիքները կարող են ստանալ նաև Հայաստանում բնակության օրինականությունը հավաստող անվճար քարտ։
Նշենք, որ ԵԶԲ թվային նախաձեռնությունների հիմնադրամը ղեկավարում է Հայաստանի նախկին վարչապետ Տիգրան Սարգսյանը։ ԵԱՏՄ կազմում են Հայաստանը, Բելառուսը, Ռուսաստանը, Ղազախստանը և Ղրղզստանը։
