Աֆղանստանից թմրանյութերի արտադրությունն ու մաքսանենգությունն աճում է՝ չնայած «Թալիբան» շարժման հավաստիացումներին, որը երկիրը վերահսկում է 2021 թվականի օգոստոսից։ Այս մասին Դուշանբեում կայացած մամուլի ասուլիսում հայտարարել է Տաջիկստանի նախագահին կից թմրանյութերի վերահսկման գործակալության տնօրեն Հաբիբուլլո Վոհիձոդան։
Նրա խոսքով՝ վերջին երկու տարիներին Տաջիկստանում, հատկապես սահմանամերձ շրջաններում, նկատվում է Աֆղանստանից թմրանյութերի ձերբակալությունների ծավալի աճ։ 2021 թվականին Տաջիկստանում ապօրինի շրջանառությունից առգրավվել է 4 տոննա 83 կգ թմրանյութ, 2022 թվականին՝ 4 տոննա 165 կգ թմրանյութ։
Վոհիձոդան նշել է, որ Աֆղանստանից Տաջիկստան թմրանյութերի մաքսանենգության ծավալների ավելացման ֆոնին ավելացել է հանրապետությունում Աֆղանստանի քաղաքացիների ձերբակալությունների թիվը՝ կապված թմրանյութերի ապօրինի շրջանառության հետ: Եթե 2021 թվականին թմրանյութերի հետ կապված հանցագործությունների համար Տաջիկստանում ձերբակալվել է Աֆղանստանի ութ քաղաքացի, ապա 2022 թվականին՝ 19։
Ընդհանուր առմամբ, 2022 թվականին Տաջիկստանում թմրանյութերի ապօրինի շրջանառության հետ կապված հանցագործությունների համար ձերբակալվել է 24 օտարերկրացի, այդ թվում՝ Պակիստանի, Իրանի եւ Ղրղըզստանի քաղաքացիներ։ Նրանցից առգրավվել է 367 կգ թմրանյութ։