2022 թվականի արդյունքներով գյուղատնտեսությունում նկատվել է 5,1 տոկոս աճ (դրամական արտահայտմամբ դա գրեթե 155 մլրդ դոլար է)։ Այս մասին փետրվարի 3-ին կայացած տեսակամրջի ժամանակ հայտարարել է Եվրասիական տնտեսական հանձնաժողովի պաշտոնական ներկայացուցիչ Իյա Մալկինան։
Նրա խոսքով՝ շինարարական աշխատանքների ծավալն աճել է ավելի քան 5,5 տոկոսով, դրամական արտահայտմամբ 11 ամսում գումարը կազմել է 178 մլրդ դոլար։
Նա հավելել է, որ 2022 թվականի 9 ամիսների ընթացքում հիմնական կապիտալում ներդրումների աճը կազմել է 5,3 տոկոս։
«Արդյունաբերության արտադրանքի թողարկումը 11 ամսում ցույց է տվել իր կայունությունը 2021 թվականի մակարդակի նկատմամբ եւ կազմել է 1,5 տրլն դոլար»,-նշել է Մալկինան։