Գերմանիան եւ Շվեդիան քննարկում են Ուկրաինային ռազմական օգնության նոր փաթեթը, որի շրջանակում Ստոկհոլմը հրթիռներ եւ արձակման կայանքներ կմատակարարի Ուկրաինայում գերմանական Iris-T ՀՕՊ համակարգերի համար, հաղորդում է Bloomberg-ը՝ վկայակոչելով իր աղբյուրները:

«Գերմանիան խնդրել է Շվեդիային տրամադրել Iris-T համակարգի հետ համատեղելի գործարկիչներ, հայտնել են աղբյուրները՝ անանունության պայմանով, քանի որ այդ քննարկումները գաղտնի բնույթ են կրում։ Բանակցությունները կարող են նաեւ հնարավոր դարձնել ավելի շատ զինամթերքի ուղարկումը Iris-T համակարգերի համար, որոնք փոխանցվում են Կիեւին»,-նշում է գործակալությունը։

Միեւնույն ժամանակ, աղբյուրները նշել են, որ Բեռլինը հավատարիմ է 2023 թվականին Կիեւին եւս երեք Iris-T-ի մատակարարելու ծրագրին։

Գերմանիայի եւ Շվեդիայի պաշտպանական գերատեսչություններում այս տեղեկությունը չեն հաստատել։