Եվրոպական շուկայում վաճառքի համար նախատեսված Xpeng P7 էլեկտրական սեդանը ներկայացվել է Չինաստանում, հաղորդում է autohome.com.cn-ը։
Նշվում է, որ մեքենան ամբողջությամբ կրկնում է Չինաստանում վաճառվող մեքենան։ Xpeng P7-ը ստեղծվել է Alibaba եւ Xiaomi ընկերությունների հետ համագործակցությամբ։ Բուն ընկերությունում էլեկտրական մեքենան անվանում են «խելացի էլեկտրական կուպե»։ Մեքենայի չափսերն են՝ երկարությունը՝ 4880 մմ, լայնությունը՝ 1896 մմ, բարձրությունը՝ 1450 մմ, անվային բազան՝ 2998 մմ։
Ինտերիերը շատ չի փոխվել։ Եվրոպական մեքենայի սրահում հայտնվել է նոր ղեկ, ինչպես նաեւ սմարթֆոնի համար անլար լիցքավորիչ, բաժակակալներ եւ արմնկակալներ։
Եվրոպայում մեքենան կառաջարկեն 276 ձիաուժ հզորությամբ էլեկտրական շարժիչով:
