News
Լրահոս
News
Հինգշաբթի
Մարտ 28
Տեսնել լրահոսը

Գերմանիայի կանցլեր Օլաֆ Շոլցը գերմանական Bild am Sonntag հրատարակությանը տված հարցազրույցում ասել է, որ ՌԴ նախագահ Վլադիմիր Պուտինը հեռախոսազրույցների ժամանակ իրեն չի սպառնացել։

Լրագրողը հիշեցրել է Մեծ Բրիտանիայի նախկին վարչապետ Բորիս Ջոնսոնի խոսքերը, ով պնդում էր, թե սպառնալիքներ է լսել ՌԴ առաջնորդից։

«Ո՛չ, Պուտինը չի սպառնացել ոչ ինձ, ոչ Գերմանիային», - պատասխանել է Շոլցը՝ հավելելով, որ հեռախոսազրույցների ընթացքում «ավելի քան հստակեցել են» քաղաքական գործիչների «լիովին տարբեր դիրքորոշումներն» Ուկրաինայի պատերազմի վերաբերյալ։

«Պուտինին հասկացնում եմ, որ պատերազմի ողջ պատասխանատվությունը կրում է Ռուսաստանը։ Ռուսաստանը առանց որեւէ պատճառի հարձակվել է հարեւան պետության վրա, որպեսզի գրավի Ուկրաինայի մի մասը կամ ամբողջ երկիրը»,- ասել է Գերմանիայի կանցլերը։

Նրա խոսքով, ուղղակի անհնար է ընդունել այդ հարձակումը, քանի որ այն «հիմնովին խախտում է եվրոպական աշխարհակարգը»։

Հարցին, արդյո՞ք Ուկրաինայի նախագահ Վոլոդիմիր Զելենսկու հետ պայմանավորվածություններ կան, որ Արեւմուտքից ստացված զենքը կօգտագործվի միայն Ուկրաինայի տարածքում, Օլաֆ Շոլցը պատասխանել է. «Այս հարցում կոնսենսուս կա», գրում է Deutsche Welle-ն։

!
Այս նյութը հասանելի է նաև   English and Русский
Տպել
Ամենաշատ