Ամերիկացի գործարար Իլոն Մասկը հայտարարել է, որ պատրաստ է Starlink տերմինալներ ուղարկել Թուրքիա, եթե դրանք անհրաժեշտ են երկրաշարժի հետեւանքները վերացնելու համար։ Այս մասին նա գրել է Թվիթերում։

Պատասխանելով սոցցանցի օգտատերերից մեկի այն հարցին, թե հնարավոր է արդյոք տերմինալներ ուղարկել փրկարարներին օգնելու համար, Մասկն ասել է, որ Starlink-ը դեռ չի ստացել Թուրքիայի իշխանությունների թույլտվությունը։

«SpaceX-ը պատրաստ է տերմինալներ ուղարկել, հենց որ դրա թույլտվությունն  ստացվի»,- գրել է նա։

Թուրքիայի ՆԳՆ-ի ղեկավար Սուլեյման Սոյլուն ավելի վաղ տեղեկացրել էր, որ հզոր երկրաշարժ է տեղի ունեցել փետրվարի 6-ին, որն զգացվել է երկրի 10 նահանգներում։ Սոյլուի խոսքով՝ հիմնական հարվածը եղել է Կահրամանմարաշ քաղաքում։ 7,4 մագնիտուդով երկրաշարժից հետո տեղի են ունեցել ոչ պակաս ուժգնությամբ 22 ցնցումներ, որոնցից վեցը՝ ավելի քան 6 մագնիտուդով։

Սոյլուն նաեւ տեղեկացրել է, որ Թուրիքայում այժմ հայտարարված է տագնապի ամենաբարձր մակարդակ։