Պատերազմը կարող է ավարտվել ոչ այնպես, ինչպես սպասում են ուկրաինացիները, եւ դրա արդյունքներով Ուկրաինան կարող է եւ չվերադարձնել իր տարածքները, ու Արեւմուտքը պատրաստ է դիմել նման սցենարի, կարծում է նախագահի գրասենյակի նախկին խորհրդական Ալեքսեյ Արեստովիչը, տեղեկացրել է «Страна.ua»-ն։

«Ի՞նչ տեղի կունենա հասարակության հետ, որը մեծ ակնկալիքներ ունի, բայց կստանա պայմանական Մինսկ-3։ Չիրականացված ակնկալիքների վերադարձի այդ զսպանակն այնպես կխփի մեզ՝ մեր բարոյականին ու մնացած ամեն ինչին, որ մենք պարզապես կապշենք։ Ելքն այս պատերազմից կարող է բնավ այնպիսին չլինել, ինչպես մեզ թվում էր երեք ամիս առաջ, խերսոնյան գործողության հաջողությունից հետո։ Եվ ոչ նրա համար, որ նենգ ամերիկացիները զենք չեն տալիս կամ ձգձգում են, այլ որովհետեւ հաջողության համար հարկավոր են կատարյալ պատրաստված 400 հազար վարժեցված զինվորներ՝ ՆԱՏՕ-ական զենքով, որպեսզի այդ ամենը մաղեն ու ազատագրեն տարածքներ։ Մենք դա ունե՞նք։ Առաջիկա տարում կլինի՞։ Չի լինի։ Ուսումնական հզորությունները չեն հերիքի... Մենք՝ որպես հասարակություն, պատրաստ չենք նման ելքի։ Ես որոշել եմ ասել սա որպես ռուսական կողմի ակնկալիք։ Բայց ամենատհաճն այն է, որ Արեւմուտքում էլ են այսպես մտածում, իսկ մենք նրանցից տոտալ կախված ենք։ Ի՞նչ պետք է անի Արեւմուտքը։ Երկու Կորեաների սցենարը։ Ստեղծել Հարավային Կորեա՝ երաշխիքներով»,- ասել է Արեստովիչը՝ ավելացնելով, որ այդ տարբերակի դեպքում Ուկրաինան կարող է քիչ բոնուսներ չստանալ։