News
Լրահոս
News
Երկուշաբթի
Հունիս 17
Տեսնել լրահոսը

Թեհրանը հերքում է The Wall Street Journal-ի պնդումները, թե Իրանն ու Ռուսաստանը, իբր, համատեղ անօդաչու սարքերի գործարան են կառուցում։ Այս մասին երեքշաբթի հայտարարել է Իրանի ԱԳՆ պաշտոնական ներկայացուցիչ Նասեր Կանաանին։

«Զենք արտահանողներն ու պատերազմներ հրահրողները փորձում են արդարացնել իրենց երկկողմ գործողությունները եւ պատերազմի ծրագրման սխալ հաշվարկները՝ կեղծելով լուրերով,- Mehr գործակալությանը ասել է նա,-դա սխալ տեղեկություն է։ Ցավոք, հակամարտության կողմերից մեկի համար զենքի եւ տեխնիկայի խոշորագույն մատակարարները փորձում են մոլորության մեջ գցել հասարակությանը՝ սխալ տեղեկություններ տարածելով։ Իրանի Իսլամական Հանրապետությունը ուկրաինական հակամարտությունում ոչ մի կողմին չի աջակցում եւ անգամ չի ծրագրում դա անել։ Նրա նպատակը հակամարտության քաղաքական լուծմանը հասնելն է»։

The Wall Street Journal-ն ավելի վաղ հայտնել էր, որ Իրանի պատվիրակությունը մեկնել է Ռուսաստան՝ գնահատելու գործարանի կառուցման հնարավորությունը, որը կարող է արտադրել Իրանի կողմից նախագծված 6000 անօդաչու թռչող սարքեր, որպեսզի Ռուսաստանը դրանք օգտագործի Ուկրաինայի հետ հակամարտության ժամանակ, նշում է Mehr-ը:

!
Այս նյութը հասանելի է նաև   English and Русский
Տպել
Ամենաշատ