Թայվանն արագացնում է ռազմական նպատակներով անօդաչու սարքերի մշակումն ու արտադրությունը՝ ներգրավելով մասնավոր ընկերություններ։ Այս մասին հայտարարել է Չժունշանի գիտության եւ տեխնոլոգիայի ինստիտուտի (NCSIST) ավիացիոն համակարգերի հետազոտական ինստիտուտի ղեկավար Ցի Լիպինը:

«Ի պատասխան հակառակորդի ներկայիս սպառնալիքի  եւ օգտագործելով ռուս-ուկրաինական հակամարտության ընթացքում անօդաչու սարքերի մշակման եւ կիրառման փորձը՝ մենք կկառուցենք անօդաչուների ասիմետրիկ մարտական հզորություն»,-հայտարարել է Ցի Լիպինը, որի խոսքը մեջբերում է Military News Agency-ն: 

Նա հավելել է, որ «Թայվանի պաշտպանության նախարարությունն արագացնում է տարբեր տեսակի անօդաչուների մշակումն ու արտադրությունը»։