Գերագույն Ռադան Ուկրաինայի ներքին գործերի նախարար է նշանակել Իգոր Կլիմենկոյին` գերատեսչության ղեկավար Դենիս Մոնաստիրսկու փոխարեն, որը մահացել էր Կիեւի մերձակայքում տեղի ունեցած ուղղաթիռի վթարի հետեւանքով։ Այս մասին երեքշաբթի հայտարարել է պատգամավոր Յարոսլավ Ժելեզնյակը։
«Ռադան Ի.Վ. Կլիմենկոյին նշանակել է ներքին գործերի նախարարի պաշտոնում»,- Telegram-ի ալիքում գրել է նա։
Ժելեզնյակը մանրամասնել է, որ Կլիմենկոյի նշանակման օգտին քվեարկել է 321 պատգամավոր։
