News
Լրահոս
News
Հինգշաբթի
Հունիս 13
Տեսնել լրահոսը

Փոխադարձ մեղադրանքներ են սկսվել ԵՄ պաշտոնյաների շրջանում այն տեղեկատվության արտահոսքից հետո, որ Ուկրաինայի նախագահ Վլադիմիր Զելենսկին հնարավոր է մեկնի Բրյուսել, ինչը նրա անվտանգության վերաբերյալ մտահոգություններ է առաջացրել:

Հաղորդվում է, որ Զելենսկին պատրաստվում է այս հինգշաբթի մեկնել Բրյուսել, որպեսզի գագաթաժողովում անձամբ հանդիպի ԵՄ առաջնորդների հետ եւ ելույթ ունենա Եվրախորհրդարանի արտահերթ նստաշրջանում:

Համարվում է, որ անցած փետրվարին հակամարտությունը սկսվելուց հետո նա Ուկրաինան միայն մեկ անգամ է լքել՝ դեկտեմբերին նա անակնկալ այց կատարեց Վաշինգտոն, որտեղ ելույթ ունեցավ ԱՄՆ Կոնգրեսի համատեղ նիստում եւ կոչ արեց մեծացնել ռազմական աջակցությունը: Այս ուղեւորությունը պլանավորվել էր խստագույն գաղտնիության պայմաններում՝ նրա անվտանգության հետ կապված մտահոգությունների պատճառով, թեեւ մանրամասները նախօրեին արտահոսել էին:

Բրյուսել առաջարկվող ուղեւորությունից մոտավորապես 48 ժամ առաջ այցի մասին հաղորդել են իտալական լրատվամիջոցները, իսկ ավելի ուշ՝ Twitter-ում՝ Եվրոպական ժողովրդական կուսակցությունը (ԵԺԿ)՝ Եվրախորհրդարանի աջ կենտրոնամետ խումբը:

«Մենք անհամբեր սպասում ենք ձեզ Բրյուսելում ողջունելու հնարավորությանը, պարոն նախագահ»,- ասվում է թվիթում։

Գրառումն արագ ջնջել են, սակայն Politico-ն սքրինշոթ է արել այն:

Եվրոպական խորհրդի նախագահ Շառլ Միշելը, որը կազմակերպում է ԵՄ գագաթաժողովները, արտահոսքի համար Եվրախորհրդարանին է մեղադրել։ Նրա մամուլի քարտուղարը ոչ հաստատել, ոչ հերքել է այցը՝ ասելով. «Նախագահ Զելենսկու համար Բրյուսել այցելելու բաց հրավեր կա»:

Միեւնույն ժամանակ, Զելենսկին նախորդ շաբաթ մերժել է Բրյուսել մեկնելու ցանկացած առաջարկ՝ հայտարարելով, որ իր ուղեւորությունները շատ ռիսկային են։

Սկանդալն անհարմար դրության մեջ է դնում Եվրախորհրդարանի նախագահ Ռոբերտ Մեցոլային, որի պաշտոնյաները մեղադրվում են տեղեկատվության արտահոսքի մեջ։ Նա նաեւ ԵԺԿ խմբի անդամ է, որը հակիրճ հայտնել է այցի մասին, հայտնում են բրիտանական լրատվամիջոցները:

Առանձին-առանձին ԵՄ դիվանագետները հայտնել են, որ Միշելը եւ Եվրահանձնաժողովի ղեկավար Ուրսուլա ֆոն դեր Լյայենը աջակցություն են ցուցաբերում Ուկրաինային: Զույգը խանդավառությամբ է խոսել ԵՄ-ին Ուկրաինայի անդամակցության հեռանկարների մասին։ Սակայն անդամ շատ երկրներ պնդում են, որ ԵՄ առաջնորդները պետք է մեղմացնեն իրենց հրապարակային հռետորաբանությունը, որպեսզի դաշինքին արագ միանալու հույսեր չառաջացնեն:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Կանադայի պաշտպանության նախարարությունն ազդարարել է Ուկրաինային 2,3 հազար հրթիռ հանձնելու մասին
Օտտավան մտադիր է Ուկրաինա ուղարկել 2,3 հազար ավիացիոն հրթիռ...
Բրիտանիան G7-ի գագաթաժողովում կհայտարարի Ուկրաինային ավելի քան 300 մլն դոլար հատկացնելու մասին
Սունակը կհայտնի Ուկրաինային 300 մլն դոլար հատկացնելու մասին...
Մոնտրոյի կոնվենցիայի Թուրքիայի դիրքորոշումը խոչընդոտում է Ուկրաինային ծովով օգնություն ցուցաբերելուն.ԱՄՆ դեսպան
ԱՄՆ դեսպան Ջեֆ Ֆլեյքը միաժամանակ անհիմն է որակել այն պնդումները, թե ԱՄՆ-ն Թուրքիայի դեմ ուժեր է կուտակում Հունաստանի Ալեքսանդրապոլի նավահանգստում...
Ուկրաինայի ԶՈւ Գլխավոր շտաբը Ղրիմում Ս-300 եւ Ս-400 կայանքներով հասցված հարվածների մասին
Ուկրաինայի ԶՈւ Գլխավոր շտաբը հաստատել է...
ՀՀ-ն պատրաստակամ է համագործակցել Ռուսաստանի և Ուկրաինայի հետ՝ դադարեցնելու անմեղ մարդկանց տառապանքները. ԱԳ փոխնախարար
Միջոցառման շրջանակներում ԱԳ նախարարի տեղակալը նաև երկկողմ հանդիպումներ է ունեցել մի շարք գործընկերների հետ...
Հունգարիան չի արգելափակի ՆԱՏՕ օգնությունն Ուկրաինային, բայց չի մասնակցի դրան
Սթոլտենբերգի եւ Օրբանի համատեղ մամուլի ասուլիսը Բուդապեշտում...
Ամենաշատ