Ռուսաստան ամերիկյան ապրանքների արտահանման ծավալը 2022 թվականին ռեկորդային նվազագույնի է հասել՝ ռուս-ամերիկյան առեւտրի ցուցանիշների հաշվարկման ողջ ընթացքում եւ կազմել է 1,7 մլրդ դոլար, ասվում է երեքշաբթի հրապարակված ԱՄՆ-ի ապրանքաշրջանառության ամսական հաշվետվության մեջ, հայտնում է ՏԱՍՍ-ը։
Փաստաթղթում նշվում է, որ Ռուսաստան ամերիկյան արտադրանքի արտահանման ծավալը անցյալ տարի կրճատվել է մոտ 3,7 անգամ՝ 2021 թվականի մոտ 6,4 մլրդ դոլարից։ Այս ցուցանիշի առավելագույն արժեքը գրանցվել է 2013 թվականին՝ 11,1 մլրդ դոլար։ Նախորդ նվազագույն արժեքը գրանցվել է 1999 թվականին՝ 2,05 մլրդ դոլար։
ԱՄՆ Ռուսական ապրանքների ներմուծումը 2022 թվականին նվազել է մինչեւ մոտ 14,45 մլրդ դոլար՝ 2021 թվականին գրանցված 29,6 մլրդ դոլարից: 2021 թվականին ԱՄՆ-ից ռուսական ապրանքների ներմուծումն ամենաբարձրն է եղել 2011 թվականից ի վեր, երբ կազմել է 34,6 մլրդ դոլար (ամենաբարձրը հաշվարկների ամբողջ ժամանակվա ընթացքում): Բյուրոյի տվյալներով՝ Ռուսաստանի Դաշնությունից ԱՄՆ ապրանքների ներմուծման ծավալի նվազագույն արժեքը գրանցվել է 1992 թվականին՝ 481,4 մլն դոլար։
Անցյալ տարի ԱՄՆ ռուսական ապրանքների ներմուծման ցուցանիշն իր գագաթնակետին է հասել մարտին՝ 2,7 մլրդ դոլար, իսկ նվազագույնը սեպտեմբերին՝ 332,1 մլն դոլար։ 2022 թվականին Ռուսաստան ԱՄՆ ապրանքների արտահանման առավելագույն արժեքը գրանցվել է փետրվարին՝ 497,5 մլն դոլար, նվազագույնը հունիսին՝ 58 մլն դոլար (նվազագույն ամսական արժեքը 2004 թվականի հունվարից):
