Հայաստանից Թուրքիա ժամանած հայ փրկարարների ջոկատը սկսել են իրենց աշխատանքները։ Այս մասին այսօր՝ փետրվարի 8-ին, ֆեյսբուքյան իր էջում հայտնել է Թուրքիայի խորհրդարանի հայազգի պատգամավոր Կարո Փայլանը։
«Հայաստանից ժամանած փրկարարական ջոկատը սկսել է իր աշխատանքը Ադըյամանում:
Սպասում ենք լավ լուրերի...
Հայ փրկարարները Ատըեամանի մէջ սկսան իրենց աշխատանքներուն»,- գրել է Փայլանը։
Նշենք, որ Թուրքիայում երկրաշարժի հետեւանքով զոհերի թիվն անցել է 9000-ից։
Նշենք, որ փետրվարի 6-ի առավոտյան, Թուրքիայի Մարաշ քաղաքի մոտակայքում գտնվող Փազարջըքի շրջանում, տեղի ժամանակով 04:17–ին 7.7 մագնիտուդով երկրաշարժ է գրանցվել։ Հետցնցումները շարունակվում են 3 օր։ Ավելի ուշ, եւս մեկ երկրաշարժ է գրանցվել 7.5 մագնիտուդով։ Երկրաշարժ է գրանցվել նաեւ Սիրայում, որտեղ նույնպես ավերածություններ են եղել, մեծ թվով քաղաքացիներ են զոհվել։
Թուրքիայում 7 օր սուգ է հայտարարվել։
