News
Լրահոս
News
Ուրբաթ
Մարտ 29
Տեսնել լրահոսը

ԱՄՆ-ի եւ Չինաստանի հարաբերությունները լուրջ վնաս չեն կրել ամերիկյան օդային տարածքում խփված չինական աերոստատի պատճառով, ասել է ԱՄՆ նախագահ Ջո Բայդենը։

«Ոչ»,- ասել է պետության ղեկավարը PBS հեռուստաալիքին՝ պատասխանելով համապատասխան հարցին։

Հաղորդավարը խնդրել է ԱՄՆ նախագահին պարզաբանել, թե որտեղից գիտի, որ իրոք այդպես է։ «Որովհետեւ ես խոսել եմ նրա՝ Չինաստանի նախագահ Սի Ծինփինի հետ, եւ մեր մարդիկ խոսել են նրա թիմի հետ»,- պատասխանել է Բայդենը։

ԱՄՆ նախագահը նշել է, որ հնարավորություն չի ունեցել զրուցելու Չինաստանի նախագահի հետ աերոստատի միջադեպից հետո, խոսքն ավելի վաղ տեղի ունեցած շփման մասին է։

«Ես Սի Ծինփինին հստակ հասկացրել եմ, որ մենք մտադիր ենք մրցակցել Չինաստանի հետ, բայց նրա հետ հակամարտություն չենք փնտրում։ Դա արդիական է մինչ այժմ»,- իր պատասխանն ամփոփել է Բայդենը։ 

!
Այս նյութը հասանելի է նաև   Русский
Տպել
Ամենաշատ