News
Լրահոս
News
Ուրբաթ
Մարտ 29
Տեսնել լրահոսը


Մեր որոշ քաղաքացիներ տեսնելով դատական իշխանության ներկայացուցչին գործադիրի նիստում, այստեղ էլ կարող են տեսնել անկախության հետ կապված հարցեր: Այս մասին այսօր՝ փետրվարի 9-ին, կառավարության նիստում հայտարարեց ԲԴԽ նախագահ Կարեն Անդրեասյանը՝ անդրադառնալով նրան, որ «Կոռուպցիայի ընկալման համաթիվ 2022» զեկույցում Հայաստանը նահանջել է երեք կետով:

«Դատական իշխանությունը եւ նրա բարձրագույն մարմիններից մեկը՝ ԲԴԽ-ն, իսկապես գործում է անկախ: Միաժամանակ մենք շարունակում ենք սրետ համագործակցել օրենսդիր ու գործադիր իշխանությունների հետ: Բայց այդ համագործակցությունը չի նշանակում կոնկրետ գործերով դատական իշխանության վրա որեւէ ազդեցություն: Դատկան իշխանությունը ամենալուռ ու ամենաքարկոծված իշխանության թեւերից մեկն է: Որոշ դեպքերում իսկապես մեղավոր, բայց ոչ միակ մեղավորը: Ես ուրախ եմ, որ համաթվի ներկայացման ժամանակ խնդիրների 70 տոկոսն արդեն դատական իշխանության հետ չեն կապված»,-ասաց նա:

«Եթե ժամանակին դատական իշխանության մասին խոսվում էր կաշառքների, սակագների, բացառապես մեծ համատարած կոռուպցիոն երեւույթների մասին,  արդեն ինչ-որ շրջան հեղափոխությունից հետո կար խոսակցություն, որ դատական իշխանությունն անկախ է օրենսդիր ու գործադիր իշխանությունից, բայց անկախ չէ իր նախկին որոշ կապերից, հիմա արդեն խոսում ենք ձգձգումներից, ուշացումներից, որոնք իսկապես արդարացում չունեն: Մենք հիմա փորձում ենք կարգապահական վարույթներով վեր հանել այն բոլոր սուբյեկտիվ դրսեւորումները, որոնք դատավորի մեղքի պատճառով եղել են ձգձգումներ, ուշացումներ»,-ասաց Անդրեասյանը:

ԲԴԽ նախագահը բողոքեց, որ Հայաստանում դատավորների թիվը սահմանափակ է, օրինակ 4 մլն բնակչություն ունեցող Խորվաթիայում կա 1700 դատավոր, իսկ Հայաստանում ընդամենը 300 դատավոր:

Տպել
Ամենաշատ