Fitch միջազգային վարկանիշային գործակալությունը գնահատել է երկրաշարժի հետեւանքով Թուրքիայի կրած ֆինանսական վնասը, որը մոտավոր 4 միլիարդ դոլար է։
«Տնտեսական վնասը գնահատելը դժվար է, քանի որ իրավիճակը զարգանում է, սակայն հավանաբար կգերազանցի 2 միլիարդ ԱՄՆ դոլարը եւ կարող է հասնել 4 միլիարդ ԱՄՆ դոլարի կամ գերազանցել այն», - ասվում է զեկույցում:
Թուրքիայի Ղահրամանմարաշ նահանգում տեղի ունեցած երկրաշարժի հետեւանքների վերացման միջազգային շտաբում ներառված են 11 պետություն, այդ թվում՝ Ռուսաստանը։
Թուրքիայի աղետների կառավարման վարչությունը (AFAD) հայտնել է, որ Թուրքիայում փրկարարներին հաջողվել է աղետի գոտուց տարհանել ավելի քան 28 հազար մարդու։
