News
Լրահոս
News
Ուրբաթ
Հուլիս 19
Տեսնել լրահոսը

Հանրապետության նախագահ Վահագն Խաչատուրյանն ընդունել է Հայաստանում Ճապոնիայի արտակարգ և լիազոր դեսպան Ֆուկուշիմա Մասանորիին:Այս մասին հայտնում են նախագահի աշխատակազմից:

Նախագահ Խաչատուրյանը ողջունելով դեսպանին շնորհավորել է Ճապոնիայի ազգային տոնի կապակցությամբ.

«Մեր հանդիպման առիթն ուրախալի է, քանի որ Ճապոնիան պատրաստվում է նշել Ազգային տոնը՝ Նորին գերազանցություն Նարուհիտո կայսեր ծննդյան օրը և այս կապակցությամբ իմ լավագույն ցանկություններն եմ հղում Ճապոնիայի ժողովրդին և մաղթում եմ կայսրին քաջառողջություն և բարեկեցություն»,- ասել է Հանրապետության նախագահը:

Դեսպան Մասանորին շնորհակալություն հայտնելով ընդունելության և շնորհավորանքի խոսքերի համար շեշտել է, որ կարևորում է Հայաստանի և Ճապոնիայի միջև առկա բարեկամական հարաբերությունների շարունակական զարգացումն ու սերտացումը:

«Կարծում եմ, որ չնայած մեր երկրների միջև առկա հարաբերությունները գտնվում են շատ բարձր մակարդակի վրա, այնուամենայնիվ այդ հարաբերությունները զարգացման ավելի մեծ ներուժ ունեն և երկուստեք պետք է ջանքեր գործադրենք այդ ուղղությամբ: Մեր երկրները չունեն որևէ քաղաքական խնդիր միմյանց հետ, ընդհակառակը՝ առկա է մեծ պոտենցիալ կրթական, մշակութային և առևտրատնտեսական համագործակցության զարգացման համար»,- շեշտել է դեսպանը:

Հանդիպման ընթացքում քննարկվել է հայ-ճապոնական փոխգործակցության վերաբերյալ հարցերի լայն շրջանակ՝ մասնավորապես բարձր տեխնոլոգիաների ոլորտում: Անդրադարձ է արվել սեյսմակայուն շինարարության, ատոմային էներգիայի շահագործման բնագավառներում ճապոնական փորձի կիրառման գործնական հնարավորություններին:

Զրույցի ընթացում անդրադարձ է կատարվել «ԷՔՍՊՈ 2025 Օսակա, Կանսայ, Ճապոնիա» համաշխարհային ցուցահանդեսի կազմակերպական աշխատանքներին և վերջինիս Հայաստանի բարձր մակարդակի ներկայացվածության հարցերին:

Նախագահ Վահագն Խաչատուրյանն ընդգծել է, որ իր հնարավորությունների շրջանակում պատրաստակամորեն կաջակցի ինչպես Օսակայում կայանալիք ցուցահանդեսին Հայաստանի արժանվույնս ներկայացված լինելու գործընթացին, այնպես էլ հայ-ճապոնական համատեղ ծրագրերի իրականացմանը:

Հանրապետության նախագահը դեսպանին մանրամասներ է հաղորդել տարածաշրջանային հիմնախնդիրների՝ մասնավորապես Լաչինի միջանցքի շրջափակման հետևանքով Լեռնային Ղարաբաղում հումանիտար ճգնաժամի վտանգների վերաբերյալ:

Իր խոսքում դեսպան Մասանորին ընդգծել է, որ Ճապոնիան պաշտպանում է տարածաշրջանային հիմնախնդիրները բացառապես խաղաղ և դիվանագիտական ուղղությամբ լուծելու սկզբունքը, ինչպես նաև կարևորում Լաչինի մարդասիրական միջանցքի բնականոն գործունեության վերականգնումը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Բաղանիս-Ոսկեպար ճանապարհը փակվել է հարակից տարածքում ականազերծման աշխատանքներն ապահովելու համար. Ոստիկանություն
Սահմանի սահմանազատումից հետո սահմանային գծի պահպանությունը կհանձնվի ՀՀ սահմանապահ զորքերին...
Եթե կա մեկը, որ չի օժանդակում Հայաստանի անվտանգությանը, դա Ռուսաստանն է. Օլիվիե Դըկոտինյի
Այն, ինչ ես տեսնում եմ վերջին տարիներին, այն է, որ երբ Հայաստանը օգնության…
Հայաստանը 2023թ-ին փորձում էր ուշադրության կենտրոնում պահել Լեռնային Ղարաբաղի շրջափակման հարցը. ԱԳՆ
Արտգործնախարարը հավելեց, որ ՄԱԿ-ի մակարդակով հաղորդագրություններ ու նամակներ են հրապարակվել...
Բուենոս Այրեսի խորհրդարանն ընդունեց Ադրբեջանի կողմից ԼՂ-ի դեմ իրականացրած գործողությունները դատապարտող հայտարարություն
Հանրապետության կողմից հրադադարի համաձայնությունը խախտող…
Ադրբեջանը օկուպացրել է Հայաստանի 200 քառակուսի կմ տարածք. Ռուբինյանը ելույթ է ունեցել Բիշքեկում
Հայաստանի տարածքային ամբողջականության դեմ լայնածավալ ռազմական գործողությունների, ինչպես նաև Ադրբեջանի կողմից վերջին երեք տարիների...
Ադրբեջանը պետք է ապահովի ԼՂ հայերի՝ իրենց տներում արժանապատիվ ապրելու իրավունքը․ ԵԽ նախարարների կոմիտեի հայտարարությունը
Ադրբեջանը պետք է ապահովի Ղարաբաղի հայերի մարդու իրավունքները, հիմնարար ազատությունները և անվտանգությունը՝ ներառյալ…
Ամենաշատ
Ֆոտոռեպորտաժներ