News
Լրահոս
News
Ուրբաթ
Մարտ 29
Տեսնել լրահոսը


Հրդեհից հետո ողջ մնացած 6 զինվորների հետ ես խոսել եմ, իրենք տարբեր բաներ են ասում. Նրանցից Լեւոնին հիվանդանոցում ես հարցնում եմ՝ ո՞նց է եղել, ասում է՝ ես մտա այն ժամանակ, երբ 5 լիտրանոց տարան ընկած էր գետնին ու բենզինը կլկլալով թափվում էր: Այս մասին այսօր՝ փետրվարի 20-ին, ՊՆ-ի շենքի դիմաց բողոքի ակցիայի ժամանակ նշեց հունվարի 19-ին Ազատ գյուղի զորամասի կացարանի հրդեհից մահացած զինվորներից մեկի՝ Գագիկ Բարսեյանի հորեղբայրը:

«Եթե բենզինը թափվում է, կրակը կհասնի տարային ու կտրաքի, դու ի՞նչ ես ասում: հարցնում եմ՝ դու ի՞նչ արեցիր, ասում է՝ կուրտկես հանեցի սկսեցի կրակը հանգցնել: Ասում է՝ կանչեցի մյուսներին, չարձագանքեցին: Ասում է՝ կրակը հասել էր դռանը, որտեղ զինվորներն են քնած եղել: Ասում եմ՝ ինչու դուռը չբացեցիր, ասում է՝ մտածեցի, որ բացի, կրակը ներս կգնար:

Մեկն ասում է՝ դուռը փակ է եղել, ես լուսամուտից եմ դուրս եկել, մի ուրիշ զինվոր էլ ասում է՝ բաց է եղել, ես դռնով եմ դուրս եկել: Մենք փորձեցինք, այդ ճաղավանդակից հնարավոր չէր դուրս գալ: Ո՞նց հնարավոր է այդտեղից դուրս գալ ու չվառվել»,-ասաց նա:

«Լեւոնը պատմում է, որ տեսել է, որ կապիտանմը վառվելով դուրս է վազում, ասում է՝ ես մտա, որ օգնեմ, տեսա բենզինը թափվում է: Ասում եմ՝ ինչո՞ւ չօգնեցիր զինվորներին, ասում է՝ դուռը վառվում էր, չկարողացա ներս մտնեմ: Ինքը ննջարան չի հասել: Ես հարցնում եմ՝ բա էն երկուսը, որ գնացել էին ջրի, իրենք ի՞նչ էին անում: Ասում է՝ ես վառվում էի,  ընկա ձների մեջ, տեսա իրենք վեդրոներով ջուր են կրում, գալիս, գնում էին: Հանգիստ գնացել, եկել են, մինչեւ վառվի: Էդ երկու հոգին ոչ մի բանի չեն մասնակցել»,-ասաց նա:

Ավելի վաղ NEWS.am-ը հայտնել էր, որ հունվարի 19-ին, ժամը 01:30-ի սահմաններում Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում բռնկված հրդեհի հետևանքով զոհվել է 15 ժամկետային զինծառայող, 7 զինծառայող տեղափոխվել է  Վարդենիսի հոսպիտալ, նրանից չորսը բուժօգնություն ստանալուց հետո դուրս է գրվել, 3–ը՝ ծանր վնասվածքներով տեղափոխվել Երևան՝ Այրվածքաբանության ազգային կենտրոն:

Դեպքից անմիջապես հետո պաշտոններից ազատվել են 2-րդ բանակային կորպուսի հրամանատարը և ևս 7 բարձրաստիճան զինվորականներ։

Դեպքից ժամեր անց վարչապետ Նիկոլ Փաշինյանը կառավարության նիստում ներկայացրեց պաշտոնական վարկածը, ըստ որի սպան բենզին է լցրել վառարանի վրա, ինչից հետո, երբ կրակն իրեն է անցել, «ինքնապաշտպանական բնազդով» բենզինի 5 լիտրանոց տարան նետել է կացարանի ուղղությամբ, ինչն էլ հրդեհի պատճառ է դարձել։

Ավելի ուշ դասակի հրամանատարը լրագրողներին հայտնել էր, որ կացարանում բենզին չի եղել, ըստ էության, հերքելով վարչապետին: Զինդատախազը ևս հայտարարել էր, որ դեռ պարզ չէ՝ բենզին է եղել, թե դիզվառելիք:

Նշենք, որ հրդեհի դեպքի առնչությամբ նախաձեռնվել է քրեական վարույթ՝ ՀՀ ՔՕ 532-րդ հոդվածի 4-րդ մասով (զենքի, ռազմամթերքի, ռազմական տեխնիկայի կամ ռազմական այլ գույքի, շրջապատի համար առավել վտանգ ներկայացնող նյութերի, սարքերի կամ առարկաների հետ վարվելու կանոնները խախտելը, որն անզգուշությամբ առաջացրել է երկու և ավելի անձի մահ)։

Տպել
Կարդացեք նաև
Ամբողջը
Կացարանի հրդեհի գործով մեղադրյալ Գոռ Աղեկյանը կմնա կալանքի տակ․ դատարանն էլ ինքնաբացարկ չի հայտնի
Ամբաստանյալի պաշտպանն էլ առարկել է դատարանի հայտարարության դեմ՝ նշելով, որ դատարանի հայտարարությունն իրականությանը չի համապատասխանում, իր պաշտպանյալը ցանկացել է գալ, սակայն․․․
«Պաժարն իմ սխալմունքով է եղել». զինվորական կացարանում հրդեհից զոհվածների գործով ամբաստանյալը ցուցմունք տվեց դատարանում
Որ շիշը ձեռքս էր, ուզում էի վառարանը վառել, այդ ժամանակ Լևոնը…
«Առաջին մեղավորը այժմ ներկայացել է որպես տուժող»․ Ազատ գյուղի հրդեհի գործով ամբաստանյալը դիմեց դատարանին
Նա պատմում է բաներ, որոնք․․․
«Որ պահին հիշողությունդ տեղը եկավ, ոչխարի պես վիզդ կտրելու եմ»․ Ազատ գյուղի հրդեհի գործով նիստին իրավիճակը լարվեց
Նրա հարցաքննության ընթացքում իրավիճակը պարբերաբար լարվում է, քանի որ․․․
«Ինձ հայտնել են որոշակի ուշագրավ տեղեկություններ»․ Ազատ գյուղի գործով տուժողների փաստաբան
Ծնողների մոտ կա խորը անվստահություն պետական բոլոր ինստիտուտների նկատմամբ․․․
15 զոհված զինվորների ծնողները չեն հավատում, որ հրդեհից առաջ տեղի ունեցած իրադարձությունների շղթան դժբախտ պատահար է
Կիրակոսյանը չբացառեց, որ իշխանությունները թաքցնում են ադրբեջանական դիվերսիայի փաստը, քանի որ չեն...
Ամենաշատ