«Սիլվայի գործով» նիստը սկսվեց տեխնիկական ընդմիջումով։
Պատճառը ՀՀ երկրորդ նախագահ Ռոբերտ Քոչարյանի բացակայությունն էր։
Դատավոր Աննա Դանիբեկյանը փաստաբան Հայկ Ալումյանին առաջարկեց զանգահարել պաշտպանյալին եւ պարզել պատճառը։ Զանգից հետո հայտնի դարձավ, որ երկրորդ նախագահը ուշանում է Հաղթանակ կամրջի վերանորոգման աշխատանքների պատճառով առաջացած խցանման հետեւանքով։ Դատավորը տեխնիկական ընդմիջում հայտարարեց մինչեւ Ռոբերտ Քոչարյանի ժամանումը։