Տեխասից Celestis ընկերությունը զբաղվում է «հիշատակի թռիչքներով», որոնց ընթացքում մերձերկրային ուղեծրից դուրս են ուղարկում մահացած մարդկանց ԴՆԹ-ի նմուշներ։ Celestis-ում հայտնել են, որ տարեվերջին տիեզերք կթողարկվեն ԱՄՆ նախկին նախագահներ Ռոնալդ Ռեյգանի, Ջոն Քենեդու, Դուայթ Էյզենհաուերի եւ Ջորջ Վաշինգտոնի մազերը:
«Հիշատակի թռիչքը» պատվիրատուին արժենում է մոտ 12,5 հազար դոլար։
Կենսանյութը փոխադրելու են United Launch Alliance ընկերության Vulcan հրթիռով։ Այն կմեկնարկի Կանավերալ հրվանդանից։
Մազերի նմուշները ընկերությունը ստացել է որպես նվեր անանունից։ Դրանք ունեն իսկության վկայագիր: Դրանք նախկինում պահվում էին կոլեկցիոներ Լուի Մուշերոյի մոտ։ Նա մահացել է 2014-ին։