Թուրքական ընդդիմությունը չի կարողանում պայմանավորվել, թե երբ կպարզի մայիսի 14-ի համընդհանուր ընտրությունների, այդ թվում եւ նախագահական ընտրությունների իր թեկնածուին, գրել է Hürriyet թերթը։
«Վեցի սեղանի» (փորձագետներն այսպես են անվանում վեց ընդդիմադիր կուակցությունների կանոնավոր հավաքները) այսօրվա նիստում բոլոր նշանները վկայում են Քեմալ Քըլըչդարօղլուի մասին։ Ժողովրդա-հանրապետական կուսակցության (CHP) կարծիքով՝ նախագահի թեկնածուն պետք է որոշվի այսօրվա նիստում։ Որովհետեւ Էրդողանը հայտարարել է ընտրությունների օրը։ Իսկ «İyi» (Լավ կուսակցություն) կուսակցության կարծիքով՝ նախագահի թեկնածուի անունը չպետք է որոշվի այսօրվա նիստում։ Թեկնածուի որոշման մեթոդն է լուծվելու այս նիստում։ Այս հանդիպումից հետո, ինչպես սպասվում է, մի քանի որ անց տեղի կունենա նոր հանդիպում։ Ֆավորիտը Քըլըչդարօղլուն է»,- գրել է պարբերականը։
Թուրքիայի նախագահ Թայիփ Էրդողանը չորեքշաբթի, երկրի հարավ-արեւելքում ավերիչ երկրաշարժերից հետո բանավեճերի ֆոնին, հաստատել էր, որ համընդհանուր ընտրությունները երկրում նախատեսվում են մայիսի 14-ին։ Թուրքական ընդդիմությունը նախատեսում է հինգշաբթի որոշել միասնական թեկնածուին, ամենահավանականը Ժողովրդա-հանրապետական կուսակցության (СНР) առաջնորդ Քեմալ Քըլըչդարօղլուն է, բայց դաշինքում համակրանք կա նաեւ մայրաքաղաքի ղեկավարի՝ Մանսուր Յավաշի հանդեպ, ընդ որում՝ թույլատրվում է, որ թեկնածուի անունը հասարակությունն իմանա ավելի ուշ։