ԱՄՆ-ն Իրանի հետ որեւէ ձեւաչափով քննարկումներ չի իրականացնում միջուկային գործարքի վերականգնման հնարավորության վերաբերյալ։ Այս մասին երկուշաբթի ճեպազրույցում հայտարարել է ԱՄՆ պետդեպարտամենտի մամուլի ծառայության ղեկավար Նեդ Փևայսը՝ մեկնաբանելով Իրանի ԱԳՆ-ի պաշտոնական ներկայացուցիչ Նասեր Քանաանի Չաֆիի խոսքերն այն մասին, որ երկու երկրները միջնորդների միջոցով այս թեմայի վերաբերյալ ուղերձներ են փոխանակում։
«Գործողությունների համատեղ եւ համապարփակ ծրագրին վերադառնալու հարցը չկա մեր օրակարգում, եւ իրավիճակն այսպիսին է արդեն ինչ-որ ժամանակ։ Մեր օրակարգում Իրանի իշխանությունների բռնաճնշումներն են սեփական ժողովրդի դեմ, անօդաչուների մատակարարումները Ռուսաստան եւ Իրանում պահվող ամերիկյան քաղաքացիները»,- ասել է նա։