Եվրոպական դիվանագիտության ղեկավար Ժոզեպ Բորելը հայտարարել է, որ պետք է չշտապել եզրակացություններ անել եւ սպասել «Հյուսիսային հոսք» եւ «Հյուսիսային հոսք 2» գազատարներում պայթյունների հետաքննության պաշտոնական արդյունքներին։ Այս մասին հայտնում է «Ինտերֆաքսը»։
«Մինչ հետաքննությունները շարունակվում են, պետք չէ շտապ եզրակացություններ անել»,- ասել է նա Շվեդիայում կայացած մամուլի ասուլիսում՝ հավելելով, որ պետք է սպասել արդյունքներին։ Միաժամանակ նա վստահեցրել է, որ չի վախենում պարզել ճշմարտությունը գազատարներում կատարվածի մասին։ «Ես չեմ վախենում ճշմարտությունից, ինչպիսին էլ այն լինի»,- ասել է Բորելը։
2022 թվականի սեպտեմբերին պայթյունի հետեւանքով Դանիայի Բորնհոլմ կղզու մոտ ապահերմետիզացվել են առաջին «Հյուսիսային հոսք»-ի երկու եւ «Հյուսիսային հոսք 2»-ի մեկ գծերը։ Ռուսաստանի Դաշնությունում քրեական գործ է հարուցվել միջազգային ահաբեկչության հոդվածով։ Շվեդիայի հետախուզական ծառայությունները եկել են այն եզրակացության, որ գազատարներում տեղի ունեցած միջադեպը դիվերսիա է։