Մեր մոտեցումն այն է, որ հարկավոր է ջանքեր ներդնել Հարավային Կովկասում մեր ներգրավվածության մեջ։ Այս մասին ճեպազրույցում ասել է ԱՄՆ պետդեպարտամենտի պաշտոնական ներկայացուցիչ Նեդ Փրայսը՝ մեկնաբանելով հայտարարությունն այն մասին, որ Ադրբեջանի եւ Իրանի միջեւ լարվածությունն աճում է այն բանից հետո, երբ Իրանն անցած հանգստյան օրերին սահմանին կործանիչի թռիչքներ է իրականացրել։
«Ինչ վերաբերում է Ադրբեջանին եւ Իրանին, ապա, իհարկե, Իրանն արդեն վաղուց չարամիտ խաղացող է տարածաշրջանում։ Նա զբաղվում է կործանարար գործունեությամբ, որը սպառնում է նրա հարեւաններին, ինչպես մերձավոր, այնպես էլ հեռավոր։ Ուստի, մենք անհանգստությամբ հետեւում ենք այդ լարվածությանը։ Մեր մոտեցումն այն է, որ պետք է ջանքեր ներդնել Ադրբեջանի, Հայաստանի հետ մեր ներգրավվածության մեջ Հարավային Կովկասում, որն ավելի կայուն կլիներ, հակամարտություններն ու լարվածությունն ավելի քիչ կլինեին»,- ասել է Փրայսը։
