Թուրքիայի հարավ-արեւելքում սելավի զոհերի թիվը հասել է 10-ի, հաղորդում է TRT հեռուստաալիքը՝ հղում անելով տեղի իշխանություններին։
Շանլըուրֆայի նահանգապետ Սալիհ Այհանն ավելի վաղ հայտնել է չորս զոհերի մասին: Ավելի ուշ բնակելի շենքի նկուղում հայտնաբերվել են հինգ մարդու մարմիններ, որոնք համարվում էին անհետ կորած։ Եվս մեկ մարդ զոհվել է հարեւան Ադըյաման նահանգում։
Երկու նահանգներն էլ տուժել են փետրվարյան ավերիչ երկրաշարժերի հետեւանքով։
Սաստիկ տեղումների պատճառով (մոտ 200 մմ մեկ քառակուսի մետրի համար) տարածաշրջանի շատ բնակավայրեր հեղեղվել են։ Տեղի բնակչությունը տարհանվում է անվտանգ շրջաններ։