Թուրքիայում բարի մարդկանց են փնտրում ավերիչ երկրաշարժից տուժած տարածքներից փրկված կատուների համար։
Ինչպես հայտնում է Anadolu-ն, երկրաշարժից տուժած շրջաններից բերված կատուները՝ Տաթվանի քաղաքապետարանի եւ Կամավոր անասնաբույժների եւ տեխնիկների ասոցիացիայի աջակցությամբ, պահվում են Անօթեւան կենդանիների ստերիլիզացման եւ վերականգնողական կենտրոնում։ Ասոցիացիայի խորհրդի անդամ Օմեր Ատիշը լրագրողներին հայտնել է, որ անցյալ շաբաթ 25 կատու է բերվել Տաթվան։
Նրա խոսքով՝ ստերիլիզացված եւ պատվաստված բազմաթիվ կատուներ տրվել են ընտանիքների։ Ներկայումս կենտրոնում շարունակում են բուժել 5 կատվի։