Սլովակիայի պաշտպանության նախարարի պաշտոնակատար Յարոսլավ Նադը Ուկրաինայի հետ միջկառավարական համաձայնագիր է ստորագրել ՄիԳ-29 կործանիչների եւ «Կուբ» ՀՕՊ համակարգերի մի մասի հանձնման վերաբերյալ, սլովակյան TASR գործակալությանը տեղեկացրել է պաշտպանության նախարարության մամուլի քարտուղար Մարտին Կակաշչիկովը։
Մամուլի քարտուղարն ավելացրել է, որ Սլովակիան Ուկրաինային կհանձնի 13 ՄիԳ-29 կործանիչներ եւ երկու «Կուբ» ՀՕՊ համակարգեր, ինչպես նաեւ այդ տեխնիկայի համար անհրաժեշտ կառավարման համակարգեր, պահեստամասեր եւ հրթիռներ։
Կակաշչիկովի խոսքով՝ Սլովակիայի եւ Ուկրաինայի կառավարությունների համաձայնագիրն անհատույց ռազմական տեխնիկայի հանձնման մասին համապատասխանում է Սլովակիայի արտաքին քաղաքական շահերին։