News
Լրահոս
News
Ուրբաթ
Մարտ 29
Տեսնել լրահոսը

Ֆրանսիայում TotalEnergies ընկերության նավթավերամշակման գործարանների եւ պահեստների օպերատիվ անձնակազմի 37 տոկոսը շաբաթ առավոտյան գործադուլ է հայտարարել կառավարության՝ կենսաթոշակային տարիքը 62-ից 64-ի բարձրացնելու որոշման ֆոնին, տեղեկացրել է Reuters-ը։

Վառելիքի մատակարարումները հաջորդ շաբաթ կարող են նորից սպառնալիքի տակ հայտնվել՝ նավթավերամշակման գործարաններում 10-օրյա գործադուլը երկարացնելու արհմիությունների կոչերից հետո։

Երկրի հարավ-արեւելքում Feyzin ընկերության նավթավերամշակման գործարանում աշխատանքը գրեթե նորմալ էր ընթանում, բայց վառելիքի մատակարարումները չեն կարողացել դուրս գալ Ֆրանսիայի հարավում գտնվող La Mede ընկերության բիովերամշակման գործարանից, շաբաթ տեղեկացրել է ընկերության ներկայացուցիչը։

Donges նավթավերամշակման գործարանն արեւմուտքում անջատվել է ցանցից էլեկտրական տրանսֆորմատորի տեխնիկական խնդրի պատճառով, ասել է նա։

Երկրի հյուսիսում՝ Նորմանդիայի ձեռնարկությունում աշխատանքը նորմալ է ընթացել։

!
Այս նյութը հասանելի է նաև   Русский
Տպել
Ամենաշատ