News
Լրահոս
News
Ուրբաթ
Մարտ 29
Տեսնել լրահոսը

Լոնդոնի «Հիթրոու» օդանավակայանի անվտանգության աշխատակիցները Զատկի տոների ընթացքում 10 օր աշխատանքի չեն գնա եւ այս ընթացքում գործադուլ կանեն, հայտնում է The Associated Press-ը։

Unite արհմիությունը հայտնել է, որ անվտանգության ավելի քան 1400 աշխատակիցներ, որոնք աշխատում են «Հիթրոու» օդանավակայանում՝ Եվրոպայի ամենաբանուկ օդանավակայաններից մեկում, գործադուլ են անելու մարտի 31-ից մինչեւ Զատիկը՝ ապրիլի 9-ը՝ պահանջելով բարձրացնել աշխատավարձերը:

Unite-ի ներկայացուցիների խոսքով՝ գործադուլավորների թվում են օդանավակայանի 5-րդ տերմինալի անվտանգության աշխատակիցները, որն օգտագործվում է բացառապես British Airways-ի կողմից, եւ նրանք, ովքեր պատասխանատու են օդանավակայան մտնող բոլոր բեռների ստուգման համար:

Գործադուլը կհամընկնի Զատկի դպրոցական երկշաբաթյա արձակուրդների հետ, որոնք Մեծ Բրիտանիայում շատերի համար ավանդաբար պիկային ժամանակաշրջան են:

Արհմիությունը հայտարարել է, որ աշխատողները ստիպված են գործել այս կերպ, քանի որ նրանք չեն կարողանում ծայրը ծայրին հասցնել, իսկ կյանքի ծախսերի ճգնաժամը շարունակում է ազդել միլիոնավոր բրիտանացիների վրա: «Հիթրոուն» առաջարկել է 10%-ով բարձրացնել աշխատավարձերը, սակայն արհմիությունը հայտարարել է, որ դա բավարար չէ սրընթաց աճող ինֆլյացիայի եւ տարիներ շարունակ աշխատավարձերի սառեցումից հետո:

Մեծ Բրիտանիայում ինֆլյացիան անցյալ տարի կտրուկ աճել է՝ հոկտեմբերին կազմելով 11,1%, թեեւ հունվարին այն նվազել է մինչեւ 10,1%: Սա դեռեւս ամենաբարձր ցուցանիշն է վերջին 40 տարվա ընթացքում, ինչը կտրուկ փոփոխություն է մի քանի տարվա 2 տոկոս ինֆլյացիայից հետո։

Իր հերթին, «Հիթրոու» օդանավակայանը հայտնել է, որ ունի արտակարգ իրավիճակների պլաններ՝ օդանավակայանը բաց պաելու եւ շահագործելու համար:

«Մարդկանց աշխատանքով վաստակած արձակուրդները գործադուլով խափանելու սպառնալիքը չի բարելավի իրավիճակը»,- ասվում է օդանավակայանի հայտարարության մեջ:

Տասնյակ հազարավոր ուսուցիչներ, բժիշկներ, բուժաշխատողներ, գնացքների եւ ավտոբուսների վարորդներ, ինչպես նաեւ պետական ծառայողներ վերջին ամիսներին զանգվածային գործադուլներ են կազմակերպել՝ պահանջելով բարձրացնել աշխատավարձերը:

Արմիության առաջնորդները, որոնք ներկայացնում են բուժքույրերին ու շտապօգնության բրիգադներին, աշխատավարձի մասին համաձայնություն են ձեռք բերել Մեծ Բրիտանիայի կառավարության հետ, ինչը հույս է արթնացրել, որ կդադարեցվեն պետականորեն ֆինանսավորվող հիվանդանոցների աշխատանքի խափանումները, սակայն շատ այլ ոլորտներ դեռ իշխանությունների հետ աշխատավարձի շուրջ դժվար վեճերի մեջ են:

Շաբաթ օրը երկաթգծի հազարավոր աշխատողներ գործադուլների երթական փուլն են անցկացրել, ինչը կաթվածահար է արել Մեծ Բրիտանիայի բոլոր գնացքների մոտ կեսը:

Բրիտանացիները անցած ամառվանից տանում են գնացքների օրերով անջատումները, քանի որ տրանսպորտային արհմիությունների վեճը կառավարության հետ ձգձգվում է: Նոր գործադուլներ են նախատեսված մարտի 30-ին եւ ապրիլի 1-ին։

 

!
Այս նյութը հասանելի է նաև   Русский
Տպել
Ամենաշատ