Սաուդյան Արաբիայի թագավոր Սալման բն Աբդուլազիզ Ալ Սաուդը Իրանի նախագահ Էբրահիմ Ռաիսիին պաշտոնական այցով հրավիրել է Էր Ռիադ՝ ցանկություն հայտնելով ամրապնդելու երկու երկրների տնտեսական եւ տարածաշրջանային համագործակցությունը, գրում է Tasnim-ը։
Իրանի նախագահի աշխատակազմի ղեկավարի քաղաքական հարցերով տեղակալ Մոհամմադ Ջամշիդին Twitter-ի իր գրառմամբ հաստատել է հրավերի մասին տեղեկությունը՝ ասելով, որ Ռաիսին ընդգծել է համագործակցությունն ընդլայնելու Իրանի պատրաստակամությունը։
Հրավերը համարվում է Իրանի եւ Սաուդյան Արաբիայի միջեւ հարաբերությունների բարելավմանն ուղղված կարեւոր քայլ այն բանից հետո, երբ երկու մուսուլման երկրները վերջերս համաձայնել են վերսկսել դիվանագիտական հարաբերությունները, վերաբացել դեսպանատները եւ թարմացնել նախկին համագործակցության համաձայնագրերը:
