Երեկ՝ մարտի 18-ին, վրաերթ է տեղի ունեցել Երևանում։
shamshyan.com-ի հաղորդմամբ ժամը 21։30-ի սահմաններում Երևանի բնակիչ 32-ամյա Ն․ Աբրոյանը Սայաթ-Նովա պողոտայի և Ալեք Մանուկյան փողոցի խաչմերուկում վրաերթի է ենթարկել հետիոտն՝ Երևանի բնակիչ 45-ամյա Գ․ Գրիգորյանին։
Վարորդը փախուստի չի դիմել, ահազանգել է շտապօգնություն, օպերատիվորեն ժամանած շտապօգնության բժիշկներին օգնել է՝ վրաերթի ենթարկվածին տեղափոխել Հերացու անվան թիվ 1 համալսարանական հիվանդնանոց։
Վրաերթի փաստով քննչական բաժնում նախաձեռնվել է վարույթ։
Վարորդը ենթարկվել է սթափության փորձաքննության, եղել է սթափ։