News
Լրահոս
News
Ուրբաթ
Մարտ 29
Տեսնել լրահոսը

Հայաստանի Հանրապետությունը վարում է այնպիսի արտաքին քաղաքականություն, որի առանցքում Հայաստանի Հանրապետության անվտանգային շահն է: Այս մասին «Ազատության» հետ զրույցում ասել է Միացյալ Նահանգներում Հայաստանի դեսպան Լիլիթ Մակունցն՝ անդրադառնալով քննադատություններին, թե Հայաստանի քայլերը ԱՄՆ-ի հետ դաշնակցային հարաբերություններ հաստատելու ճանապարհին բավարար չեն, որ պետք է ավելին անել։

Մակունցի համոզմամբ, Հայաստան-ԱՄՆ երկկողմ հարաբերություններն ունեն զարգացնելու մեծ պոտենցիալ, սակայն պահանջվում են ժամանակ և հետևողական ջանքեր՝ ընդ որում տարբեր ուղղություններով։

«Հայաստանը վարում է պրոակտիվ դիվանագիտություն Վաշինգտոնում՝ փորձելով ներկա մարտահրավերներով Հայաստանն ավելի ընկալելի դարձնել  ԱՄՆ-ի համար, եւ իհարկե, այդ մարտահրավերները հաղթահարելու ուղղությամբ ջանքեր գործադրել: Հայաստանը առանցքային է համարում ժողովրդավարական բարեփոխումների օրակարգը, ինչը մեր երկկողմ համագործակցության առանցքային ուղղություններից է:

Բացի այդ, Հայաստանը տարածաշրջանի խաղաղության եւ կայունության կարեւոր դերակատարներից է: 2021-ի մայիսին եւ նոյեմբերին ԱՄՆ-ն գործադրել է դիվանագիտական ջանքեր ՀՀ ինքնիշխան տարածք Ադրբեջանի ներխուժումը դադարեցնելու առնչությամբ: Իսկ 2022-ի սեպտեմբերին ԱՄՆ-ի անմիջական եւ օպերատիվ ներգրավվածությունն օգնեց դադարեցնել ագրեսիան Հայաստանի նկատմամբ: ԱՄՆ-ի ներգործությունը վճռորոշ դեր է խաղացել ագրեսիան դադարեցնելու հարցում: Այդ ագրեսիայից հետո Նենսի Փելոսիի այցը որոշակի անվտանգային  պատնեշի դեր խաղաց Հայաստանի համար»,-ասաց Մակունցը:

Դիտարկմանը, թե պաշտոնական Երևանը ասում է, որ ԱՄՆ-ը բարեկամ երկիր է, նույնն ասում է նաև Վաշինգտոնը, հարցին՝ ե՞րբ է գալու ժամանակը, որ Հայաստանն ասի՝ ԱՄՆ-ը ռազմավարական գործընկեր է, այդպիսի հեռանկար տեսնո՞ւմ է, Մակունցը պատասխանեց․ «Ես կարծում եմ, որ ցանկացած Հայաստանի Հանրապետության ներկայացուցիչ, ով աշխատում է որևէ մայրաքաղաքում, փորձում է առավելագույն ջանքեր գործադրել՝ հարաբերությունները զարգացնելու, խորացնելու, ծառայեցնելու ոչ միայն երկկողմ փոխշահավետ համագործակցությանն այլ նաև Հայաստանի Հանրապետության գերակա շահերին, և Հայաստանի Հանրապետությունն այս պահին առավելագույն ջանքեր գործադրում է նաև Միացյալ Նահանգներում երկկողմ ջանքեր են գործադրվում, ինչպես ես նշեցի, իսկ թե որտեղ կհանգեցնի այդ համագործակցությունը, ես այս պահին չեմ կարող գնահատել»։

Անդրադառնալով հյ-ամերիկյան տնտեսական համագործակցությանը, Մակունցը նշեց, որ ցավոք սրտի երկու երկրների միջեւ ապրանքաշրջանառությունը շատ մեծ չէ. «Հույս ունեմ, որ Հայաստանի ակտիվ մասնակցությունը ԱՄՆ-ում բինես ֆորումներին եւ նմանատիպ  նախաձեռնություններին, կօգնի ակտիվացնել դա: Բնականաբար, մեկ գործոնով դա հնարավոր չէ ակնկալել այն ակտիվությունը, որն ուզում ենք»:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
NESA կենտրոնի ներկայացուցիչներն այցելել են Քննչական կոմիտե. վերապատրաստման պայմանավորվածություններ են ձեռք բերվել
ՀՀ քննչական կոմիտեում շարունակվում են Կոմիտեի տարածքային մարմինների…
Գրիգոր Էլիզբարյանն ԱՄՆ գործընկերներին է ներկայացրել զինվորական դատախազության գործունեությունը
Գլխավոր դատախազի տեղակալներն ընդունել են ԱՄՆ Միջազգային իրավական հետազոտությունների պաշտպանական ինստիտուտի ներկայացուցիչներին…
Քննարկվել են Քննչական կոմիտեի և ԱՄՆ ԹՊԻՀ գրասենյակի միջև համագործակցության ոլորտները
Արսեն Այվազյանը տիկին Կուրթին ողջունել է առաջին անգամ ՀՀ քննչական կոմիտեում և վստահություն հայտնել, որ նրա համակարգման ներքո Հայաստանում…
Պապոյանն ընդունել է ԱՄՆ դեսպանին. կարեւորել են 2024-ին «Ամերիկայի մրցունակության փոխանակում» ծրագիրը ՀՀ-ում անցկացնելը
Զրուցակիցներն անդրադարձել են Հայաստանի Հանրապետության և Ամերիկայի Միացյալ Նահանգների միջև Առևտրի և ներդրումների հարցերով աշխատանքային...
Արդարադատության ոլորտում գործող և սպասվող թվային հարթակները փոխնախարարը ներկայացրել է ԱՄՆ ՄԶԳ պատվիրակությանը
Պայմանավորվածություն է ձեռք բերվել հետագա աշխատանքային քննարկումների…
ՀՀ ԿԸՀ անդամ Աննա Գրիգորյանը մասնակցել է ԱՄՆ Պետդեպարտամենտի միջազգային այցելուների առաջնորդական ծրագրին
ՀՀ ԿԸՀ անդամ Աննա Գրիգորյանը ԱՄՆ Պետդեպարտամենտի միջազգային...
Ամենաշատ