Եմենի հութիների խմբավորման ղեկավարը, որը կապված է Իրանի հետ, ասել է, որ հութիները կազատեն 15 սաուդցիների, երեք սուդանցիների եւ մի շարք այլ կալանավորների՝ Եմենի հակամարտության մյուս կողմից 700 բանտարկյալների դիմաց։ Այս մասին հայտնում է Reuters-ը՝ Twitter-ում հղում անելով բանակցող Մուհամմեդ Աբդուլսալամին։
«Ժնեւում ընթացող բանակցությունները տանում են դեպի մարդասիրական գործարք, որի համաձայն 700 բանտարկյալներ, ներառյալ կանայք եւ քաղաքացիական անձինք, ազատ կարձակվեն՝ 15 սաուդցի ռազմագերիների, 3 սուդանցիների եւ այլոց ազատ արձակման դիմաց»,- ասվում է Աբդուլսալամի հաղորդագրության մեջ: