Եվրամիությունում պաշտպանել են Ռուսաստանի նախագահ Վլադիմիր Պուտինին ձերբակալելու օրդեր տալու Միջազգային քրեական դատարանի որոշումը, նշվել է Արտաքին կապերի եվրոպական ծառայության հայտարարությունում։
«ԵՄ-ն դիտարկում է ՄՔԴ-ի որոշումը՝ որպես ռուս ղեկավարներին պատասխանատվության ենթարկելու գործընթացի սկիզբ... ԵՄ-ն նաեւ աջակցություն է հայտնել Ուկրաինայում Միջազգային քրեական դատարանի դատախազի հետաքննություններին եւ մասնակից պետություններին համակողմանի համագործակցության կոչ է արել»,- նշվել է հրապարակման մեջ։
Մինչ այդ Միջազգային քրեական դատարանի մինչդատական պալատը Ռուսաստանի նախագահին եւ երեխայի իրավունքների լիազոր Մարիա Լվովա-Բելովային ձերբակալելու օրդեր էր տվել։ Նրանց կասկածում են Ուկրաինայից երեխաների անօրինական դուրսբերման մեջ։ ԱՄՆ նախագահ Ջո Բայդենն այդ որոշումն անվանել է արդարացված, չնայած Նահանգները չի ճանաչում ՄՔԴ-ի իրավասությունը, ինչպես եւ Չինաստանը, Հնդկաստանը, Իսրայելը։