ԵՄ-ն համաձայնեցրել է Ուկրաինային 2 մլրդ եվրո արժողությամբ զինամթերք մատակարարելու ԵՄ արտաքին գործերի եւ անվտանգության քաղաքականության հարցերով բարձր ներկայացուցիչ Ժոզեպ Բորելի ծրագիրը, հայտնում է Agence France-Presse-ը (AFP)՝ հղում անելով դիվանագիտական աղբյուրներին:

Նրանց տվյալներով՝ եվրոպացի նախարարները համաձայնեցրել են Ուկրաինային առնվազն 1 մլն եվրոյի զինամթերք մատակարարելու եւ ԵՄ երկրների պաշարները համալրելու որոշումը։

Մարտի 14-ին ԵՄ խորհուրդը հաստատել է Խաղաղության եվրոպական հիմնադրամի բյուջեն 2 մլրդ եվրոյով շտապ ավելացնելու որոշումը։ Ավելի վաղ Բորելը նշել էր, որ մինչեւ տարեվերջ եւս 3,5 միլիարդ եվրոյով այս բյուջեի լրացուցիչ ավելացման հնարավորություն կա։ Սկզբում հիմնադրամի ամբողջ բյուջեն 2021-2027 թթ․ ժամանակահատվածի համար կազմում էր 5,7 մլրդ եվրո, այսինքն՝ խոսքը դրա փաստացի կրկնապատկման մասին է։ Անցյալ տարի Եվրամիությունը 3,2 միլիարդ եվրո է հատկացրել այս հիմնադրամից Ուկրաինային զենք մատակարարելու համար։

Խաղաղության եվրոպական հիմնադրամի միջոցները ԵՄ երկրներին հատկացվում են որպես փոխհատուցում այն զենքի համար, որը նրանք փոխանցում են Ուկրաինային։ Բորելի խոսքով՝ Բրյուսելը դրանից փոխհատուցում է Կիեւին փոխանցվող զենքի եւ զինամթերքի արժեքի 40%-ը։