Գերմանիայի կանցլեր Օլաֆ Շոլցը ասել է, որ պարբերաբար շփվում է ՌԴ նախագահ Վլադիմիր Պուտինի հետ, քաղաքական գործիչը միշտ քաղաքավարի է նրա հետ զրույցներում, գրում է Rheinische Post թերթը։
«Դրանք երկար զրույցներ են, երբեմն մեկ ժամ տեւողությամբ, երբեմն՝ մեկուկես։ Երբեմն գերմաներենով, երբեմն՝ թարգմանությամբ։ Եվ Պուտինը միշտ քաղաքավարի է», - պատմել է կանցլերը։
Կանցլերը նաեւ ուշադրություն է հրավիրել այն փաստի վրա, որ կողմերը փոխզիջման չեն հասնում եւ պահպանում են ուկրաինական հակամարտության վերաբերյալ իրենց տեսակետների տարբերությունները։ Նրա խոսքով, պետք է պատրաստ լինել, որ կարգավորումը կարող է երկար տեւել, եւ նույնիսկ երբ հակամարտությունը ավարտվի, ամեն ինչ միանգամից չի լինի առաջվա պես։