Էկվադորի նախագահ Գիլերմո Լասոն արտակարգ դրություն է հայտարարել 14 նահանգներում, որոնք առավել շատ են տուժել եղանակային վատ պայմաններից եւ հզոր երկրաշարժից, որը ցնցել է երկիրը հանգստյան օրերին, հայտնում է Reuters-ը՝ վկայակոչելով երկրի կառավարությանը:
Երկուշաբթի երեկոյան ընդունված միջոցառումը կգործի 60 օր եւ կօգնի իշխանություններին մոբիլիզացնել տնտեսական ռեսուրսները՝ բնակչությանն աջակցելու եւ ենթակառուցվածքները վերանորոգելու համար։
Շաբաթ օրը տեղի ունեցած 6,8 մագնիտուդով երկրաշարժի զոհերի թիվը հասել է 14-ի, հարյուրավոր մարդիկ վնասվածքներ են ստացել:
Բացի այդ, կառավարության տվյալներով՝ ավելի քան 20 մարդ է զոհվել հորդառատ անձրեւների հետեւանքով, որոնք ավերել են ճանապարհներ, կամուրջներ, պետական եւ մասնավոր ենթակառուցվածքներ։
Կառավարության հայտարարության մեջ ասվում է, որ նահանգների բնակչությունը եւ հատվածները, որտեղ արտակարգ դրություն է հայտարարվել, «անհապաղ հաշվի կառնվեն», քանի որ դրանք ամենաշատն են տուժել եղանակից եւ երկրաշարժից:
Լասոն նաեւ ասել է, որ անօթեւաններին առավելագույնը երեք ամսով վարձավճար կտա, եւ հայտարարել է սոցիալական բնակարանների կառուցման մասին։