ԱՄՆ պետքարտուղար Էնթոնի Բլինքենը զանգահարել է Ադրբեջանի նախագահ Իլհամ Ալիեւին եւ առաջարկել ԱՄՆ-ի մշտական օգնությունը Հայաստանի հետ երկկողմ խաղաղ բանակցություններին աջակցելու համար: Այս մասին ասված է ԱՄՆ պետքարտուղարության մամուլի քարտուղարի տեղակալ Վեդանտա Պատելի հաղորդագրության մեջ։
«Պետքարտուղար Բլինքենը կոչ է արել լուծումներ գտնել չլուծված խնդիրների համար եւ ընդգծել է, որ ռազմական լուծում չկա: Նա վերահաստատել է Լաչինի միջանցքի բացման կարեւորությունը կոմերցիոն եւ մասնավոր մեքենաների համար։ Պետքարտուղար Բլինքենն ասել է, որ ԱՄՆ-ն ակնկալում է շարունակել համագործակցությունը Ադրբեջանի հետ խաղաղ գործընթացի շրջանակներում»,- ասվում է ԱՄՆ Պետդեպարտամենտի ներկայացուցչի հաղորդագրության մեջ:
