Ես չեմ կարող ասել, թե տեքստն ինչպիսին կլինի, բայց այնպիսին կլինի, որը չի խաթարի Հայաստանի եւ իր քաղաքացիների շահերը: Այս մասին այսօր՝ մարտի 22-ին, ԱԺ-ում լրագրողների հետ զրույցում նշեց ՔՊ խմբակցության պատգամավոր Վիգեն Խաչատրյանը՝ անդրադառնալով Հայաստանի եւ Ադրբեջանի միջեւ կնքվելիք խաղաղության պայմանագրին:
Դիտարկմանը, որ Ադրբեջանի նախագահ Ալիեւը հայտարարել է, որ խաղաղության պայմանագիրը կստորագրի միայն այն դեպքում, երբ Հայաստան Ղարաբաղը ճանաչի Ադրբեջանի կազմում, նա արձագանքեց. «Ալիեւն ինչ ուզի կաս, ես չեմ կարող մեկնաբանել Ալիեւի ասածները մեկնաբանել»:
Անդրադառնալով ընդդիմության պնդումներին, թե իշխանությունն իր վարքով ադեկվատ չի ստռեղծված իրավիճակին եւ առկա վտանգներին, պատգամավորն ասաց. «Ընդդիմությունը եւ մեծամասնությունը մրցակցության մեջ են, որ հերթական ընտրություններում ժողովուրդը որոշոի՝ ում վստահի իշխանություն: Մեկը մյուսի դատավորը չի եւ պետք է խուսափի գնահատականներ տալուց: Եթե ընդդիմությունը գտնում է, որ մենք ադեկվատ չենք, դա ենթադրում է, որ իրենք ուրիշ ասելիք ունեն: Այսինքն պետք չի միմ յանց գնահատականներ տալ, պետք է լուծումներ առաջարկել: Օրինակ, ընդդիմությունը մեզ մեղադրում էր, որ ՌԴ-ի հետ սխալ քաղաքականություն ենք վարում, հիմա Ռուսաստանը քարտերը բացեց: Արարատ Միրզոյանի հետ հանդիպմանը Լավրովը ներկայացրեց ՌԴ պատկերացումները Լեռնային Ղարաբաղի ապագայի վերաբերյալ: Իմիջիյլոց, Լավրովը «լեռնային» բառը չէր օգտագործում, տպվորություն էր, որ Ալիեւն է խոսում: Հիմա ադեկվա՞տ է ընդդիմության արձագանքը Լավրովի պահվածքին: Ադեկտավտության մասին խոսելիս պետք է իրենք ադեկվատ լիննեն»:
Ինչ վերաբերում է բանակցողին փոխելու ընդդիմության պահանջին, Վիգեն Խաչատրյանն ասաց. «Նրանք այդ պահանջը դրեցին, Նիկոլ Փաշինյանը հրաժարական տվեց, հայտարարվեցին արտահերթ ընտրություններ, որտեղ ժողովուրդը պետք է որոշեի՝ պատերազմի մեղավորն ով է, ով իրավունք չունի բանակցելու եւ բերի նոր իշխանություն: Ժողովուրդը որոշեց, որ պատերազմի մեղավորը եւ չպետք է բանակցեն Սերժ Սարգսյանն ու Ռոբերտը Քոչարյանը, նրանց մերժեց ու նորից ընտրեց Նիկոլ Փաշինյանին: Եթե իրենք կարծում են, որ իրավիճակը փոխվել է, կարող են նորից պահանջել արտահերթ ընտրություններ»: