Ընդդիմադիր քրդամետ «Ժողովուրդների դեմոկրատիա» կուսակցությունը (HDP) հրաժարվել է իր թեկնածուին առաջադրել երկրի նախագահական ընտրություններին։ Այս մասին չորեքշաբթի հայտնել է կուսակցության համանախագահ Պերվին Բուլդանը։
Նշվում է, որ երկուշաբթի կուսակցության կենտրոնակայան է այցելել ընդդիմադիր «Ժողովրդական դաշինքի» միասնական թեկնածու Քեմալ Քիլիչդարօղլուն։ Նա, մասնավորապես, բանակցություններ է վարել քաղաքական ուժի ղեկավար կազմի հետ։
HDP-ի մեկ այլ համանախագահ Միթհաթ Սանջարն ավելի վաղ հայտարարություն էր տարածել՝ ընդգծելով, որ չի բացառվում Քըլըչդարօղլուին աջակցելը եւ թեկնածու չառաջադրելը, եթե կողմերին հաջողվի հասնել կոնսենսուսի։
Թուրքիայի նախագահական եւ խորհրդարանական ընտրությունները նշանակված են մայիսի 14-ին։